Zańnamalyq baza: Saqtandyrý 01 shilde 2003 jylǵy № 446- II «Kólik quraldary ıeleriniń azamattyq-quqyqtyq jaýapkershiligin mindetti saqtandyrý týraly» QR Zańyna sáıkes júzege asyrylady.
Saqtandyrý nysany: Saqtandyrylýshyny qaterli qaýip kózi retinde kólik quralyn paıdalaný nátıjesinde úshinshi tulǵalardyń ómirine, densaýlyǵyna jáne (nemese) múlkine keltirilgen shyǵyndy óteý mindetimen baılanysty múliktik múddesi.
Saqtandyrý oqıǵasy - kólik quraldary ıeleriniń azamattyq-quqyqtyq jaýapkershiligin mindetti saqtandyrý shartynda kórsetilgen kólik quralyn paıdalaný nátıjesinde zardap shegýshi tulǵalar dep tanylǵan tulǵalardyń ómirine, densaýlyǵyna jáne (nemese) múlkine keltirilgen shyǵyndy óteý boıynsha azamattyq-quqyqtyq jaýapkershiliktiń oryn alý jaıty.
Saqtandyrý somasy Mindetti túrde saqtandyrý týraly zańmen anyqtalady jáne kólik quralyn tirkeý ornyna, kólik quralynyń túrine, saqtandyrylǵan tulǵanyń (saqtandyrylýshynyń) jasyna jáne júrgizý ótiline, kólik quralyn paıdalaný merzimine baılanysty keledi.
Saqtandyrýdyń qamtý aımaǵy: Qazaqstan Respýblıkasy.
Saqtandyrý qorǵanysynyń kezeńi: 12 aı nemese saqtandyrý tólemi oryn alǵanǵa deıin.
Zańǵa sáıkes, mindetti túrde saqtandyrýǵa tómendegi kólik ıeleriniń azamattyq-quqyqtyq jaýapkershiligi jatady:
- jeńil, júk avtokólikteriniń, avtobýstardyń, mıkroavtobýstardyń, motokóliginiń jáne olardyń tirkemeleriniń, tramvaılardyń jáne trolleıbýsterdiń;
- QR aýmaǵyna ýaqytsha túrde kirgen (kirgizilgen);
- óndirýshi uıymdardan, jóndeý jáne saýda uıymdarynan ózi keletin joǵaryda kórsetilgen KQ.
Saqtandyrý syılyqaqysynyń mólsheri tómendegilerge baılanysty keledi:
- KQ tirkeý ornyna;
- KQ túrine;
- klıenttiń jasyna jáne júrgizý ótiline;
- paıdalaný merzimine;
- saqtandyrý oqıǵalarynyń bar nemese joq bolýyna (bonýs-malýs).
