KQI AQJMS POLISI NE ÚSHIN QAJET

KQI AQJMS polısi Sizdi JKO jaǵdaıynda kútpegen shyǵyndardan qorǵaıdy:

• Eger Siz JKO kináli taraby bolsańyz, sizdiń saqtandyrý kompanııańyz zardap shekken tulǵalardyń múlkine jáne densaýlyqtaryna keltirilgen zııandy siz úshin óteıdi. Óz avtokóligińizdi óz qarajatyńyzdyń esebinen jóndeýge týra keledi (eger siz avtokasko polısin aldyn ala túrde satyp almaǵan bolsańyz).
• Eger sizdiń avtokóligińizdi buzǵan bolsa, ony jóndeý jumystary úshin apat úshin kináli tulǵanyń saqtandyrý kompanııasy tóleıdi.
• Eger apat úshin qos júrgizýshi kináli bolsa, saqtandyrý kompanııalary ekeýine de tóleıtin bolady – ádette keltirilgen zııannyń jartysyn ǵana tóleıdi. Daýly jaǵdaılarda JKO árbir qatysýshysynyń jaýapkershilik dárejesin jáne tólemder araqatynasyn sot anyqtaıdy.

KQI AQJ MS boıynsha jóndeýge maksımaldy tólem mólsheri 600 AEK quraıdy. Eger avtokólikti qalpyna keltirý odan qymbatqa tússe, zardap shekken tarap JKO úshin kináli tulǵadan is júzindegi zııan jáne saqtandyrý ótemaqysy arasyndaǵy aıyrmashylyqty qosymsha túrde tóleýdi talap etýge quqyly.

Saqtandyrý sharty Saqtanýshynyń málimdemesiniń negizinde jazbasha nysanda jasalady.

Zańdy tulǵalar úshin shartty jasasýǵa arnalǵan qujattar tizimi:

• zańdy tulǵany memlekettik tirkeý/qaıta tirkeý týraly kýáliktiń kóshirmesi;
• kólik quralynyń tirkeý kýáliginiń kóshirmesi;
• zańdy tulǵanyń ornalasqan jeriniń mekenjaıyn, telefonyn, bank derektemelerin kýálandyratyn qujat;
• jarǵynyń kóshirmesi ne bolmasa Saqtanýshy qyzmetiniń jaıtyn rastaıtyn qujat;
• qujattarǵa qol qoıýǵa ýákiletti tulǵanyń jeke basyn kýálandyratyn qujattyń kóshirmesi;
• quryltaı qujatynyń kóshirmesi, ne bolmasa osyǵan uqsas sıpattaǵy basqa qujat, sondaı-aq, zańdy tulǵanyń quryltaıshylarynyń jeke basyn kýálandyratyn qujaty (AQ qujattarynan basqa);
• memlekettik lıtsenzııanyń kóshirmesi (eger klıenttiń qyzmeti lıtsenzııalanatyn bolsa)