KOMPANIIANYŃ ASTANA QALASYNDAǴY JEDEL MEDITSINALYQ JÁRDEM BRIGADALARYNYŃ III RESPÝBLIKALYQ JARYSTARYNDA QATYSÝY
Elordanyń 20 jyldyǵyn merekeleý sheńberinde 2018 jyldyń qyrkúıek aıynyń 5 juldyzynan bastap 7 juldyzyna deıin Astana qalasynda jedel medıtsınalyq járdem brıgadalarynyń III respýblıkalyq jarysy ótkizildi, onda Qazaqstannyń barlyq óńirlerinen, sondaı-aq Lıtvanyń komandalary qatysty.
Is-sharaǵa 18 komanda qatysty. Is-shara «Jeruıyq» saıabaǵynda ótti, onda jaǵdaıattyq stansalar qurylǵan bolatyn, sol jerde brıgadalar bosandyrý, anafılaktıkalyq eseńgireý, náresteni jan saqtaý, kóptegen jaraqattary bar adamdy qutqarý kezinde jedel járdem kórsetti.
Is-sharanyń birinshi kúni «Astana» Oqý-klınıkalyq ortalyǵynyń, Respýblıkalyq sanıtarlyq avıatsııa ortalyǵynyń jetekshi mamandary, Reseı, AQSh, Izraıl, Qytaı, Malaızııa, Ózbekstan jáne t.b. elderdiń ókilderi tótenshe jaǵdaılar boıynsha semınarlardy ótkizdi. Izraıldik áriptester jaraqattanǵan tulǵalardyń sany kóp oqıǵalardy júrgizý tájirıbesimen bólisti. «Ambulanc» JShQ (Shenchjen q., QHR) dırektory Van Shýanveı qatysýshylardy jedel medıtsınalyq járdem kórsetýde jańa tehnologııalarmen tanystyrdy. «Astana» (Qazaqstan) oqý-klınıkalyq ortalyǵynyń jattyqtyrýshylary kóp jaraqat kezinde qalaı kómek kórsetý qajet ekendigin kórsetti. Malaızııa ókilderi jedel járdem kezeńinde túrli jaraqattary bar patsıentterge járdem kórsetý tásilin kórsetti. Reseıden kelgen qonaqtar júrek-ókpe reanımatsııasy týraly áńgimeledi. Qurmetti qonaqtar qatarynda Germanııa Elshiliginiń, AQSh medıtsınalyq emtıhan qabyldaýshylarynyń ulttyq keńesiniń ókilderi, Izraıl konsýly boldy
Sheberlikke oqytýdy ótkizgennen keıin komandalyq jarystar ótti, olardyń maqsaty jedel medıtsınalyq járdem brıgadalarynyń jumysyn, biliktilik pen kásipqoılyq, jedeldik pen komandalyq rýh deńgeıin kórsetý boldy. Tapsyrmany oryndaýǵa 15 mınýt berildi. Intertıch komandasy óz bilimin jáne daǵdylaryn joǵary deńgeıde kórset bildi, ol komıssııamen baǵalandy. Bul is-sharada alynǵan daǵdylar bizdiń saqtandyrylǵan klıentterimizge jedel medıtsınalyq járdem kórsetý sapasyn arttyrýǵa múmkindik beredi.
